புரோ கபடி லீக்; தபாங் டெல்லி - குஜராத் ஜெயண்ட்ஸ் அணிகள் இன்று மோதல்
புனே,
12 அணிகள் இடையிலான 11-வது புரோ கபடி லீக் போட்டி கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.
இறுதிகட்டத்தை எட்டிவிட்ட இந்த தொடரில் இன்று 2 லீக் ஆட்டங்கள் நடைபெறுகிறது. அதில் இரவு 8 மணிக்கு தொடங்கும் ஆட்டத்தில் தபாங் டெல்லி - குஜராத் ஜெயண்ட்ஸ் அணிகள் மோத உள்ளன. தொடர்ந்து இரவு 9 மணிக்கு தொடங்கும் ஆட்டத்தில் தமிழ் தலைவாஸ் - புனேரி பால்டன் அணிகள் மோத உள்ளன.
இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் தபாங் டெல்லி 3வது இடத்திலும், புனேரி பால்டன் 8வது இடத்திலும், தமிழ் தலைவாஸ் 9வது இடத்திலும், குஜராத் ஜெயண்ட்ஸ் 11வது இடத்திலும் உள்ளன.
