கங்குவா FDFS அதிகாலை 4 மணி காட்சி… சூர்யா ரசிகர்களை மகிழ்ச்சியில் ஆழ்த்திய அப்டேட்..

கங்குவா படத்தின் முதல் நாள் முதல் காட்சி குறித்த அப்டேட் ஒன்று சூர்யா ரசிகர்கள் மத்தியில் மகிழ்ச்சியையும், உற்சாகத்தையும் ஏற்படுத்தி உள்ளது.

ஸ்டுடியோ கிரீன் கே. இ. ஞானவேல் ராஜா மற்றும் யூவி கிரியேஷன்ஸ் இணைந்து கங்குவா என்ற படத்தை தயாரித்துள்ளன. இந்த படத்தில் சூர்யா முன்னணி கேரக்டரில் நடித்துள்ளார். சுமார் 300 கோடி ரூபாய் பட்ஜெட்டில் கங்குவா திரைப்படம் உருவாக்கப்பட்டுள்ளதாக தகவல்கள் தெரிவிக்கின்றன.

தேவி ஸ்ரீ பிரசாத் இசையமைத்துள்ள இந்த படத்திற்கு வெற்றி ஒளிப்பதிவு செய்துள்ளார். இந்த படத்தில் சூர்யாவுடன் பாபி தியோல், திஷா பதானி, நட்டி, யோகி பாபு. ரெடின் கிங்ஸ்லி. கோவை சரளா. வத்சன் சக்கரவர்த்தி, ஆனந்தராஜ், மாரிமுத்து, கே எஸ் ரவிக்குமார், கருணாஸ், பிரேம்குமா,ர் வையாபுரி, போஸ் வெங்கட் உள்ளிட்ட பலர் நடித்துள்ளனர்.

இந்த படத்தில் கங்குவா மற்றும் பிரான்சிஸ் தியோடர் என 2 கேரக்டரில் சூர்யா நடித்துள்ளார். பழங்குடி மக்களின் வாழ்க்கையை கூறும் பீரியட் காட்சிகள் மற்றும் தற்காலத்தில் நடைபெறும் காட்சிகள் என கங்குவா திரைப்படம் உருவாக்கப்பட்டுள்ளது. கடந்த மாதம் வெளியாக இருந்த நிலையில் வேட்டையன் படம் காரணமாக கங்குவா படத்துடைய ரிலீஸ் இம்மாதம் 14ஆம் தேதிக்கு ஒத்திவைக்கப்பட்டது.

பான் இந்தியா படமாக அதிகமான திரையரங்குகளில் வெளியிட படக் குழுவினர் முயற்சி மேற்கொண்டு வருகின்றனர். சூர்யாவின் கெரியரில் இந்த படம் உச்சபட்ச வசூலை பெரும் என்று எதிர்பார்க்கப்படுகிறது. இந்த நிலையில் கங்குவா படத்தின் முதல் நாள் முதல் காட்சி எப்போது என்பது குறித்த தகவல்கள் வெளிவந்துள்ளன.

அதாவது தமிழ்நாட்டை தவிர்த்து கேரளா, ஆந்திரா, கர்நாடகா மற்றும் வட மாநிலங்களின் சில பகுதிகளில் கங்குவா படத்துடைய முதல் நாள் முதல் காட்சி அதிகாலை 4:00 மணிக்கு தொடங்கும் என தகவல்கள் வெளிவந்துள்ளன.

தமிழ்நாட்டில் கடந்த 2 ஆண்டுகளாக அதிகாலை 4 மணி காட்சிக்கு அனுமதி அளிக்கப்படாத நிலையில், இந்த முறை அதிகாலை காட்சிக்கு கங்குவா பட குழுவினர் தமிழக அரசிடம் கோரிக்கை வைப்பார்கள் என்று தகவல்கள் வெளிவந்துள்ளன. இதனால் சூர்யா ரசிகர்கள் பெரும்பாலும் பக்கத்து மாநிலங்களான கேரளா, கர்நாடகா மற்றும் ஆந்திராவுக்கு சென்று முதல் நாள் முதல் காட்சியை அதிகாலை 4 மணிக்கு பார்க்க அதிக வாய்ப்புகள் உள்ளன.

இந்த தகவலை தயாரிப்பு நிறுவனமான ஸ்டுடியோ கிரீன் தனது சமூக வலைதள பக்கங்களில் வெளியிட்டு ரசிகர்களுக்கு உற்சாகத்தை கொடுத்துள்ளது. அடுத்ததாக கங்குவா படத்தின் தியேட்டர் ரிலீஸ் ட்ரைலர் ஒரு சில நாட்களில் வெளியாக கூடும் என்று எதிர்பார்க்கப்படுகிறது.