''Nayanthara Beyond the Fairy Tale'' ஆவணப் படத்தின் ட்ரைலர் வெளியானது..!!

‘‘Nayanthara Beyond the Fairy Tale’’ ஆவணப் படத்தின் ட்ரைலர் வெளியானது.

தமிழ் சினிமாவின் முக்கிய நடிகை நயன்தாரா. இவரது நடிப்பில் கடைசியாக வெளியான ‘ஜவான்’ திரைப்படம் பாக்ஸ் ஆபிசில் கோடிகளை அள்ளிக்குவித்தது. இந்த படம் இந்தியில் நயன்தாராவுக்கு மாஸ் என்ட்ரியை கொடுத்தது. ரசிகர்களால் ‘லேடி சூப்பர் ஸ்டார்’ என்று அழைக்கப்படும் நயனுக்கு உலகெங்கிலும் லட்சக்கணக்கான ரசிகர்கள் உள்ளனர். சினிமா துறையில் உச்சநட்சத்திரமாக வலம் வரும் நயன்தாரா, இயக்குனர் விக்னேஷ் சிவனை பல ஆண்டுகளாக காதலித்து 2022 ஆம் ஆண்டு ஜூன் 9 தேதி திருமணம் செய்துகொண்டார். தற்போது இந்த ஜோடிக்கு இரண்டு மகன்கள் உள்ளனர். இயக்குநர் விக்னேஷ் சிவனை மகாபலிபுரம் ஷெரட்டன் ரிசார்ட் ஹோட்டலில் விமர்சையாக திருமணம் செய்து கொண்டார்.

அப்போது Netflix ஓடிடி தளத்தில் நயன்தாராவின் ஆவணப்படம் வெளியாகும் என்ற அறிவிப்பு திருமண கிளிம்ஸுடன் வெளியானது. அந்த அறிவிப்பின் மூலம் உற்சாகமான ரசிகர்கள் ரிலீசுக்காக காத்திருந்தனர். நயன்தாராவின் குழந்தை பருவம் முதல் இளம் வயதில் அவர் சந்தித்த வெற்றிகள், துயரங்கள், காதல் தோல்விகள், சினிமாவில் சந்தித்த ஏற்ற தாழ்வு, லேடி சூப்பர் ஸ்டார் இடத்தை அடைந்த உழைப்பு, விக்னேஷ் சிவனுடனான காதல் திருமணம் வரை அனைத்தையும் ஆவணப்படமாக வெளியிடவுள்ளனர்.

“Nayanthara Beyond the Fairy Tale” என்ற தலைப்பில் உருவாகியுள்ள இந்த ஆவணப்படம் வெளியாவதில் இரண்டு ஆண்டுகள் தாமதமான நிலையில், வரும் நவம்பர் 18ம் தேதி நயன்தாராவின் பிறந்தநாளை முன்னிட்டு அவரது பிறந்தநாள் பரிசாக Netflix நிறுவனம் இந்த ஆவண படத்தை வெளியிடவுள்ளது. இந்த நிலையில், நயன்தாரா ஆவணப்படத்தின் ட்ரைலர் இன்று வெளியானது.