அப்பா ஆகப் போகும் கே.எல்.ராகுல் - இன்ஸ்டாவில் பதிவில் போட்ட மெசேஜ்
)
பாலிவுட் நடிகை அதியா ஷெட்டி மற்றும் இந்திய கிரிக்கெட் அணி வீரர் கே.எல். ராகுல் தம்பதி தங்களது முதல் குழந்தையை எதிர்பார்த்து இருப்பதாக அறிவித்துள்ளனர்.
அதியா ஷெட்டி மற்றும் கே.எல்.ராகுல் இருவரும் தங்களது காதலை ரகசியமாக வைத்திருந்தனர். கடந்த 2019 ஆம் ஆண்டு இருவரும் காதலிப்பதாக செய்திகள் வெளியாகின. பின்னர், 2021 ஆம் ஆண்டு கே.எல்.ராகுல் தனது இன்ஸ்டாகிராமில் அதியாவுடன் எடுத்த புகைப்படத்தை பகிர்ந்து தங்களது உறவை அதிகாரப்பூர்வமாக அறிவித்தார்.
இதையடுத்து பல கிரிக்கெட் தொடர்களில் ஒன்றாக கலந்துகொண்டுள்ள இந்த ஜோடி, தங்கள் குடும்பத்தினர் சம்மதத்துடன் கடந்த 2023ஆம் ஆண்டு ஜனவரியில் திருமணம் செய்துகொண்டனர்.
இந்த நிலையில், தற்போது இந்த தம்பதி இன்ஸ்டாகிராமில் வெளியிட்டுள்ள பதிவில், “விரைவில் ஒரு அழகான வாழ்க்கை வரவிருக்கிறது” என பதிவிட்டுள்ளனர். இந்த தம்பதியின் இந்த பதிவிற்கு ரசிகர்கள் மற்றும் நண்பர்கள் வாழ்த்துக்களை தெரிவித்து வருகின்றனர்.
